يا هاجسي من ثلاث شهور مذينّي

تزعل على النساء لو اعلن حلوله

ابي حصانة من النسوان تحميني

وأبي اتوكل على الله ثم ابا اقوله

ما للعنوسة حلولن كود حليّني

الحل الاول يعود إلحاكم الدولة

لا بد تصرف على هذا ملاييني

لجل يتزّوج شباب اليوم بسهولة

وثاني حلول العنوسة يالمياميني

في ايديننا شَيّ نقدر دايم نطوله

اخذوا على الاولة وحده وثنتيني

وهذي ترى في كتاب الله مقيولة

لكن لا بد نعدل بالموازيني

لازم موازيننا بالحيل معدولة

ويا لي غرامك جرى داخل شراييني

ادريبك اليوم من ما قلت مذهولة

وان كان عقب القصيدة ذي كرهتيني

المسألة يا بعد هالناس محلولة

ترى كلامي هذا ما هوب يعنيني

شاعر ولا افعل كلامن دايم اقوله

ابيلي وحده ووحده بس تكفيني

اربع حريمن صراحه غير معقولة