وبرغم الملح الساكن بيني وبينك
أنا شايفك
راكب كل خيول الشعر المولودة
وف قلبك معنى جديد للفجر
وبرغم الهجر
أنا شايفك
بتخيط كل جراح العالم
وبتحضن قلب النار
وجذور النهر
أنا شايفك
فىيمينك ماسك صفحة جديدة
وشمالك بتلون طعم البحر
أنا شايفك بتحرر عقلك
وف قلبك معنى جديد للفجر .
ميسرة صلاح الدين: شاعر مصري معاصر يلامس هموم الوطن والإنسان مولده: 16 مايو 1979 في مدينة الإسكندرية، مصر.
مسيرته:
شاعر وكاتب مسرحي ومترجم.
ساهم في العديد من أمسيات معرض القاهرة للكتاب.
حضر مؤتمرات أدبية ...
