البحر بيقرب عليك
والعدو في ودنك بيلعب
شبك صوابعك فوق عنيك
تتدارى م الرعب اللى جاى
جايز تكون انت الربيع المنتظر
أوحتى متكونشى
جايزتموت م الحسرة على صدر العفن
أو حتى متموتشى
كل القصص مستحمله التأويل
كل السكك ملهاش نهاية محددة
البحر بيقرب عليك
البحر بيقرب قوى
حفز رجولتك تنتصب بعد الغياب
وأفرد مخالب عزتك
مستنى أيه
مستنى خنجر فضة
وحصان من دهب
ولا أنشطار البحر من غير معجزة
مستنّي إيه ؟!
ميسرة صلاح الدين: شاعر مصري معاصر يلامس هموم الوطن والإنسان مولده: 16 مايو 1979 في مدينة الإسكندرية، مصر.
مسيرته:
شاعر وكاتب مسرحي ومترجم.
ساهم في العديد من أمسيات معرض القاهرة للكتاب.
حضر مؤتمرات أدبية ...
