ياعاشق الصمت بيبان الحكي فضه

أدخل بها يمكن الاحزان تنساني

مض الزمن بالحكي والسالفه مضه

ما باقي الا انت والا مت وحداني

مابيك تذخر تعب كل التعب قضه

مرتاح لا صرت تأمرني وتنهاني

لك وردتين على صدر الترف غضه

لا مال غضك تهاوت لين تلقاني

ليل جمعته تحت تاج الذهب قضه

من هامة النور والقى ليلي الثاني

حتى تجيك الجروح الزرق منقضه

من خاطري لين ينطق حبك لساني

لو تشعل الجمر ماني خايف عضه

اكتب بلونه مواعيدي وعنواني

ما شفت غيرك عشان اقول يا حظه

هنيت نفسي معك من كل وجداني