الطبل يقرع للوغى والريح تخفق بالعلم

القلب اكثر منهم ومصاحبه دمع ونحيب

انا غريب راحت سنينه وعمره ما حلم

الصمت آسر كلمتي اسمع ولا اقدر اجيب

لذلك الدنيا عطتني شعر واحساس وقلم

اهيم للدفتر واقول ارجوك يا الصدر الرحيب

حالة يتيمه أنحنت هم ومرارات وألم

ولا لقت صدر يضم أحزانها وقت المغيب

تقول قلبي ما سلم والعقل مثله ما سلم

الوقت ياخذ ما يشى أم وأبو أخ وحبيب

راح القمر وسط الدجى والعمر من بعده ظلم

أبكي واخفي دمعتي واقول دمعاتي تعيب

اقول ياليته علم بس الحقيقه ما علم

أن بغيابه كل هالعالم عن عيوني يغيب

ليته حلم واحلف يمين الله ما عاد احلم

بس الحلم ماهو بيدي ولا على كيفي اشيب

قال الخفوق اسمع وقلت ابدع وسجل يا قلم

ان كان في وقتك شروق اكيد في وقتك مغيب