رعاك الله يالي من عرفتك ماصفى المشراب

اكون اربع شهورٍ من بعدها طالت الغيبه

رعاك الله يالي ماخذٍ دور القمر لاغاب

بشعاعٍ في جبينك مع ظلام اليل تضويبه

رعاك الله يالي فيك ضني والرجاء ماخاب

تراني في الرجاء لو حبنا يبست مشاريبه

بعبر لك عن احزانٍ بقلبي سترها ماذاب

حقيقه والحقيقه مادخلها شكه وريبه

بقول اني انام ولا حربت القوت والمشراب

انام ولا حربت الزاد لاكن بعدك مصيبه

والى قلت اني اسهر فاعتبرني خاين وكذاب

انا والنوم تربطنا علاقة وده وجيبه

ارحب بالمنام اليا لفى واشرع الأبواب

ارحب بالمنام وجيته مليووون ترحيبه

ولو مافي عيوني نوم اغمض واشبك الأهداب

اغمض واترجى نومي بطيفك يجيني به

اليا جاني بطيفك قمت اناضر طيفك الجذاب

اسامر طيفك بعز وحنان وقدرٍ وهيبه

هلا بك يامساء مايليق الا بعز احباب

مساء مايليق الا بئحبابي واثني به

حبيبي حب يمزح قال قافك يابو سالم شاب

باكملها مساء الخير والأحساس والطيبه