ما بعد عيني مثل عينك تشوف

يا هنوفٍ أتعبت ناسٍ كثير

من يشوفك يصبح بلون مخطوف

ما يصدق إن جمالك ذا يصير

سوي فيّا خير أو حتى معروف

وسمعيني صوت من زينه أغير

واوعدك عمري كله ما أشوف

غيرك انتي ولا أبي غيرك مصير

ليلةٍ مرت وما شفتك كسوف

مظلمه دونك يا نسمة عبير

مرتكز هالحب في قلبي العطوف

ارفقي به لا تخلينه كسير

شفتي ذا الدنيا وكم فيها ألوف

ضحكتك عندي تسواها بكثير

ودنيتي لا غبتي يا عذب الحروف

مالها داعي بوسط قلبي الكبير

منهُ غيرك في وسط قلبي يطوف

يا اللي ما مثلك بها الدنيا يصير

لا يهمك يا بعد كل الطيوف

انتي الاوّل في حياتي والأخير

بس ارفعي الشيله وخليني أشوف

وش تحتها يشعل القلب و يثير

أشهد اني بضرب فبيض الكفوف

وابصم بعشري لبقالك أسير