متى صوتك يفاجئني ويرجع لي زمانٍ كان

متى تضحك لي الدنيا واشوفك دايم قبالي

حبيبي لا تخليني أعاني قسوة الحرمان

وانت ساكنٍ فيني وفي حلّي و ترحالي

تلاشت فرحتي بعدك وحزني في عيوني بان

حرام اطوّل الغيبه وبعدك يقطع وصالي

تراك انت اللي في قلبي وغيرك ما سكنه انسان

تركت النّاس والدنيا وجيتك يا بعد حالي

تصدق ضحكتي بعدك غدت ديره بليا اوطان

تعال وشوف بعيونك دموعي و راسي العالي

حبيبي ليمتى ببقى أشيل الهم و الأحزان

أبي أرسى على برك وافوز بقلبك لحالي