ما هقيت الشمس تبطي في الغياب

لين شفت النور عن عيني يغيب

مع غروب الشمس يا كثر العذاب

والحزن ديره وانا فيها غريب

ليت فيه اسباب يوم الحب غاب

الله اكبر يوم انادي ما يجيب

ليه يا دنيا كذا كلّي اكتئاب

ما بقى فيني مكان الا صويب

أظلمت في عيني أحلام الشباب

لا طريق ولا صديق ولاحبيب

زاد حزني وزاد فى قلبي اغتراب

وين مالِد النِظر دمعي سكيب

شفته اقفى وحال من دونه ضباب

ومن بعدها صار جرحي مستصيب

فاتح(ن) له فالحشى مليون باب

والنتيجه يجرح القلب ويغيب