حزين لكن خل حزني على جنب

انا معك مابي للأحزان طاري

اللي كواه البعد ، لا جرّب القرب

لـ( الخوف ) تلقى في عيونه مواري

وانا معك خايف ، وفي مأمن الحب

مابي اجي واشكي عليك إنكساري

يا أول الفرحة ويا أجمل الدرب

مشوارنا خلّه يكون اختياري

ما أجبرك ، مابي تحس الهوى غصب

ابي تحس انه قرارك / قراري

عش اسهله تلقى طموحك الى الصعب

يستعجلك داري ويمهلك داري

وانا معك بـ( جنون ) عقل ، وهُدى قلب

تزرعني فـ( نبضك ) ، وتجني ثماري

مشاعرٍ من صدقها ترفض الكذب

مفعولها لو قصّر الحظ ساري

من ضيّق احزاني الى فرحك الرحب

في واضح حضورك بـ( عتمة ) نهاري

يطول عمر الوصل والهاجس العذب

يبقى ، وحس الحب فـ( القلب ) جاري