مدخنة
ويمكن كل هذا المشد الدامي
مجرد
ثورة الساكن فروح الامكنه
فرصة الغايب يجي
او فرصة الحاضر يسافر عنه
ازدحام الوقت في اللحظه الحمرا
ويمكن فرصه للعالم المخمل يوارى خلف سهد المدخنه
***
كنت اقرب للرزايا منه
وكنت اقرب للمنايا منه
وكنت اشبه له كثير
بس كان الفرق
انه اقرب للفتيل اللي يخلي كل هذي الارض فوهة مدخنه
***
علميني
ياشظايا المدخنه
كيف أبفرك يديه في بعضها
لين تولد لي القصيده
مع سواد المدخنه
باعتبار ان القصيده منوة الروح وغرضها
***
المدخنه
سمرا ومملوحه
ما توذي الادمي
لكن تعطر من دما روحه
تاخذ معاها اللي تبي
اسراره
احزانه
جروحه
تعرس كل ليله بصبي
تروح به
والروحه
هي الروحه ..