المكان يلم بعضه يعانق صاحبه

ماعليه دامني جزء من هذا المكان

والقلوب تشيل عذرا وتصبح راحبه

والمدأ يبتل منها ويقتات الحنان

جاتنا مثل الحياه الكريمه واثبه

وتركتنا بعدها عجز وهموم وهوان

ظمها المسبح رهيفة حشا متجاذبه

ان سترها الما يحاول جسدها لويبان

كل جزءٍ من جسدها حقيقه كاذبه

كل جزءٍِ من جسدها مدينٍ او مدان

تحرث الماء لين ننبت وراها قاطبه

ليتها تزرع شبابي وتجنيه بأمان

كل قطره بعدها فارقتها ناحبه

كل قطره قبلها جات مفلوتة عنان

ودها لو انها في جسدها ذايبه

كيف لو بين الذوايب تمازجها ببنان

هي تزيح الما ويرجع ولا أعرف ماربه

بس انا اعرف ماربي من مجاراة الحسان

فارسيه شركسيه – اعربيه – عاربه

تجتمع فيها الأوادم وتنثرهم عيان

بقي فالما عطرها ليت ثغري شاربه

كان ما أظمأ حدني حي وعروقي ليان

فارقتنا والأماني وراها هاربه

مابقى الا ليل دانه لدانه ليل دان

تركتني في مكاني وناري لاهبه

من اسمى الما نسي يطفي حريقة هالمكان