اجرحيني ثم روحي ما دام الحب راح

لا انتي اول من جرحني ولا آخر من يروح

شفت حبك مثل دمعٍ جرح جفني وساح

ان مسحته وان تركته جروحٍ في جروح

في زمن خاين زمانه.. ذخرتك لي سلاح

من عرفت اشتاقلك ما عرفت الا الوضوح

احسب ان الحلم يا بنت في وصلك مباح

واحسب ان الحب روحين مخلوقه بروح

لا خسرتي عاشقك لا تحسبينه نجاح

جيت اعزي فيك قلبي وجا قلبي ينوح

لو بكيتيني وفا.. ماتداوين الجراح

كل شيٍ مات فيني بعد موت الطموح

آه يا ظلمى الجفا.. ماورى ليلك صباح

ما يبل الريق برق التجافي لو يلوح

في مهب الريح..يامعاكس امواج الرياح

الزمن ماهو زمانك ..تبوح اوماتبوح