غيّر مواضيع الحزن والكآبه

كلمه تبكيني وكلمه تبكيك

من يجني الراحه بموسم عذابه

حاول تناسى والليالي تنسيك

ما فات فات بضحكته وبعتابه

صوته توارى والأماني تناديك

خل الفرح يمطر علينا سحابه

يروي جفاف الحزن من سيل امانيك

الحب يغني واقعه عن سرابه

الحب وحده لو يخاصمك يرضيك

انت السؤال اللي حياتي جوابه

مبادئي ما تعترض مع مباديك

الحس واحد والمعاني تشابه

انا نهارك لا تخلّت لياليك

لا تندهش ما في المشاعر غرابه

تصور ان الحزن فيني يواسيك