رجعتك تعني لي الشي الكثير

عبرت لي يا حبيبي عن وفاك

يا هلا ياضي بديار النضير

الهوى يا مجمّل الدنيا هواك

قالوا زهور الأمل فاحت عبير

قلت بالرقه مداعبها نداك

ما يغيب الحب في ظل الضمير

وما نسيت احساس عمره ما نساك

ان تذكرتك .. تذكرتك بخير

وان سليتك شفت بعيوني غلاك

الظلام يطول ويطول المسير

كاسفه شمس ارض ما تنبت لقاك

ما يغرّد في سما الهجران طير

الغيوم السود لوّنها أساك

الجفا ثم الجفا .. موت المصير

ومن رضا جفواك مثل اللي جفاك

لو كبر ذنبك ترى قلبي كبير

اعترافك بالخطا يغفر خطاك