باين عليك الوله يا عشقي الضامي

باين من ايديك شفها تحضن ايديني

الشوق حامي وكلك جيتني حامي

واشعلت نار المحبة بينك وبيني

حتى بهروبك تجي واطيح قدامي

عرفتلك زين ما تقدر تخليني

انفيك من واقعي تطلع مع احلامي

يا تقتنع بالزمن يا تقتنع فيني

يعني وهم عاد انا تعجبني اوهامي

مرات اشوفك قبل ما تلمحك عيني

يا عل عمرك طويل اطول من ايامي

خايف من الشوق في غيابك يعزيني

وشلون ما اكتب شعر وعيونك الهامي

اصلا انا كل ما اكتب فيك تغريني

ياضامي العشق واللي يعشقك ضامي

تحمد الله يومك طحت في ايديني