اتعبني الحلم لين الواقع انكرني

كني مسكت الفرج بيدي وهديته

مافي داعي على فرقاك تجبرني

حتى الجفا منك ولعني وحبيته

الجرح عدا زمانه لاتذكرني

هذاك وقت تعذرته وجافيته

لوشفت دمع القصايد كان تعذرني

تصور ان الشعر يضحك وبكيته

ماغيروني ياكود الله يغيرني

كم واحد عنك يبعدني ورديته

وفيت وادري وفايا مايصغرني

صوبت يم الهدف لاكني اخطيته

من طار سرب الغلا والشوق طيرني

شف ماعلى الارض واحد ماتعديته

خذني على صدرك الدافي وسيرني

بعض الولع ياخذ الرجال من بيته

ابنشغل في عيونك لاتدورني

ودي بشي اشوفه مابعد جيته

خليت قلبي معك والله يصبرني,,

مبطي وانا اقول قلبي وين خليته

اشتقت لك مابقيتك عاد تشكرني

تغيب والشوق ماعمري تباطيته

ماخذ على خاطري والبعد قاهرني

مدري شسوي وانا كل شي سويته

العام يوم الوعد تسبق وتنطرني

مستغرب شلون هالموعد تناسيته

وين انت رايح ولا كنك معبرني

ماكني الي على العالم تمنيته

لاصار هذه علومك راح تخسرني

ماعمر احد راح من كيفه وناديته

عند الكرامه ابيعك وانت خابرني

الله وكيلك ترى كل شي مريته

وكانه هجر بالسلامه روح واهجرني

اخوي لاصد عني ماترجيته