تركت عندك كل ما يدل عليّ..
بما في ذلك ما
يدل عليك!
عطرك اسمك،
خصرك العنوان والتيجان صرتك
جنة بخور وشمع وآنه درويش بحضرتك
حسنك ؟
حسنك يتلوه صلاتي ونومي حيره
مرايه اشوفن بيك عمري
مدري أنته الچنت اشوفك
مدري هذياني اليرسمك؟
مرايه حزنك
بيك لو بيه الألم؟
سيفي لو سيفك طعنّي
وسال دمك؟
مرسوم من طوفان عمري
شمحي منك؟
شرسم بفضة عذابي ولوح عمري
حجايه منك!
شأكتب بدفتر غيابك ؟
طولك ؟
طولك مثاوب مستحه ...وچذاب نومك
من اجيسك
تنفرط حبات روحي عله الچراچف
شلون ألم روحي وألمك؟
شلون بيه.. شلون بيك؟
شلون افرفط روحي يمّك
وحبه حبه من اردْ اضمك؟
زيبگ مراية لهاتك
حاضر وغايب واشمك
مرايه حزنك واشتكيلك
وانته منك تشتكيني
ياهو بينه اليشكي منك؟