عُمر.. من خشب
دافنيّ العشگ.. بتراب هجرك
كل يوم.. ادگ مسمار لفراگك
صدّت العتبة وطلع صبار بثيابي
عُمر.. ماضاگ منك شي
فرهدوك محاضن مخابيل
واحنه بطرگ موعد
عود اسمنه نحب..
عساها بْبْخت اليكرهون
مثل عيد الله الچبير..
تمر على دروب الشماته
وآنه شايغ من حلاتك
لا لي حوبه ولا لي خاطر
ضاگت دروبي..
وتعب شباچ بيتي من المناطر
تگطر صواني عسل
وك وآنه حنظل حصتي؟
حنظل يالحبيب جزاتي؟
الله يسامحك..
كلشي بهواك يهون!