الديوان » مصر » أشرف فايز » شُرم بُرم

طباعة

شرم برم وبرم شرررم
الوضع ليه كده حاله يغم
إصحي يانايم ياللا وفوق
مش برضه اللي سايل دم
شرم برم وشرم برمين
طيب سُكاتنا واخدنا لفين
ع الكرسي قاعد ومكلبش
وطظ فيكوا يابني آدمين
شرم برم هأأو أو أو
بكره أكيد هايروق الجو
ده كل شئ في بلادنا جميل
وكل مادا أمال يحلو
هأو ههأ ههأ هأو
شرم برم 00 وبرم شرميه
والثوره طيب قامت ليه ؟
لسه الملك قاعد علي عرشه
وجنبه برضه باشا وبيه
شرم برم 00 وبرم شرميه
شرم برم يانا ياخرابي
والغدر واقف علي بابي
يارب أنا عارفه عدوي
نجينى من غدر أصحابي
شرم برم شيل الطاسه
بلا جامعه يابني بلا دراسه
نفسي تكون لعيب كوره
وتبقى اختك رقاصه
شرم برم يازمن نانسي
حُزني هزمني مع يأسي
ولحد إمتي هااعيش مكسور
مجهول كده ودايما منسي

نبذة عن القصيدة
قصائد عامه
الصفحة السابقة عشق الحصان
الصفحة التالية مليون دولار

المساهمات

معلومات عن أشرف فايز

avatar

أشرف فايز

مصر

poet-Ashraf-Fayez@

35

قصيدة

شاعر عامي مصري.

المزيد عن أشرف فايز

تصفح ايضا

avatar

نجيب سرور

poet-najib-sorour@

avatar

جمال بخيت

poet-Jamal-Bakhit@

أقراء ايضا ل أشرف فايز :

مسكين
التعلب
مليون دولار
مملكة الفيران
سجين

أضف شرح او معلومة