أغتسلت بدمع زمزم والحطيم

وافترشت الغيم وغطاي النخيل

ماطربني دندنةعبدالحليم

ولاالتفت لمن صدع في دان ليل

ملني العقاد.. ومليت الحكيم

واكره اللي صفق لعبدالجليل

ارفض ان القدس تصبح اورشليم

ياابرهه في غزوتك ..كم مات فيل

والهواء والنفس وابليس الرجيم

والنساءاللي تميل وتستميل

والوساوس والهواجس والحريم

والذنوب اللي عجز فيها الشليل

واكتفاءالقلب بالجرح الاليم

وثورة الوجدان للربح القلبل

وانطواء الفكر في حفر القديم

وامتطاء القصر .. اكتاف الطويل

ولعبةالشهوات والطفل اليتيم

وضحكة الملح .. وبكاء السلسبيل

وجلسة الشيطان واغواء النديم

والقصيد اللي جذب طرفٍ كحيل

والغروراللي زرع بأرضي غريم

وعيشة المفروض باكناف البديل

وصرخة الام الرؤومة والفطيم

وانكسار الطيب في كف البخيل

قالوا ان العقل فالجسم السليم

قلت وين العقل والخافق عليل

ليه ابجمع هاالفتات وهاالهشيم

ليه ابزعل .. واخر العمر الرحيل