وطن وصدورنا غيم وعواطفنا تسيل رشاش
تبسم واسفهل لا لا يهمك من نواك بطيش
وطن طالع عيالك كيف راحوا رابطين الجاش
فدوك اعمارهم راحوا ولا انصاعوالأي تشويش
رجال الامن من عطّر نفسهم غرفة الانعاش
وهم من أكرموا بالدم الاحمر نقطة التفتيش
رجالٍ عاهدوا واوفوا اليمين بخونة الغشاش
كأنهم صوتوا : حنا نموت وهالبلاد تعيش
وطن ذولا رجالك ياوطن جولك غطا وفراش
إذا الخاين نقض عهده وخان الملح ويّا العيش
قسم بالله ليخيّب هقاوي شلة الأوباش
مدام الفيصلي نايف توعدّهم تضايق ليش؟
هذاك اللي ماصرّح لك لاجل صوره وطق فلاش
مصرح لك لاجل ترغد بأمنٍ مابه التخديش
مدام انه هرج اعرف بأن أية ردي ماعاش
على أرضك وكل شبرٍ بأرضك بالردى مانيش
وزير الداخليه لاهرج : عينه طلق رشاش
ولامن عقّد حجاجه على حجاجه تدرب جيش
ماهي باكذوبة الصحاف واكذوبة طلق منقاش
كلامٍ يفعله ماهو كلامٍ يتبعه تطنيش
خطاك السو يادار الوفيين وفداك اللاش
فداك اللاش لاشوفك تضايق واتضايق ليش؟
تبسّم واسفهل دونك رجالٍ رابطين الجاش
فدوك اعمارهم راحوا لاجل أمنك وانت تعيش