ليته صباحك يا وطن عز ومساك سرور

مع كل نفحة ياسمين ونمنمة نوار

يا رقة الفل الندي يا بهجة المنثور

يا ضحكة الليلك الى منه ضوى بنهار

غنى لك النرجس وترقص لك مروج زهور

وترود النسمات وترد الرويد ازهار

يا نسمةٍ ما كنها الا المسك بين عطور

يا نشوة انفاس الصباح وجوهر العطار

يا دارنا طيب و وفا ما قلتها بك زور

يا دانة عيوني وجفن عيوني المحار

يااغلا عروسٍٍ توجوها ملكةٍ للحور

وزفها سرب الحمام لعالي المقدار

يم الشريف اللي فدى وبدمه الدستور

ابن الشريف اللي بنا بالعزم والإصرار

دار الكرامه والكرم الاردن المعمور

الاردن اول دار للهيبه وآخر دار

الاردن اللي ما يشوف الجار منه جور

الاردن اللي يجير جاره لازمانه جار

الاردن اللي ما يحد حدوده اية سور

دار الفخر ومشرعٍ للضيف والخطار

وللعادي الموت الحمر وإن حاول المدحور

يلقى البيارق شامخه وعيون تقدح نار

عمان يا دار الهواشم قلتها بشعور

اعلى البيارق واطهر الهامات واغلى شعار

ياراسخه يا شامخه يا مكحله بالنور

والله ما هنتي وحنا احرار باثر احرار