منت عادي .. لا وربي منت عادي
من عرفتك وانت دايم في علو !
ياكثر ماشوف حولك من أيادي
"انتبه" تخطفْك منّا .. ياحلو
***
ياصاحبي قد شفت ناس "متنّحه"
بس انت مثلك؟ لا أبد مايوم شفت !
لي بالمجالس معْك غمز.. ونحنحه
وانت بغبائك خارج المعقول طفت !
شف هالبشر .. خلّيتها مترنّحه
من ضحكهم.. وانت اتّلفّت ماعرفت؟
ناس إلْعبت بالعمق .. وناس مجنّحه
كم لي أدافع عنك؟ .. والحين اعترفت !
***
إيه بدوي.. شاعر.. وبرضو مْهندس
وين الغرابه بالأمر .. قولي لي؟؟
من صغري أطلع وارتقي.. ما أندس
لو بيّدت روس المعالي حيلي ..
***
شخص عاااادي ..
لايشيل .. ولا يعادي..
هذا أنا !
من قرْد حظي ..
لا أزال أحمل مبادي ! !
شي عاااااادي ..
ليه أصيح ؟ .. وليه أنادي ؟
والحزن من زود ضيقي ..
يختنق داخل فؤادي ! !
ياهنادي ..
لا يهمّك .. وآنا عمّك
ب ع ث ر ي هالضيق فيني
لملمي/ني .. حين ألمّك..
إضحكي يانور عيني..
وقرّبي مشتاق أضمّك
طوّقي يدّيك حولي ..
حضنك أرحب من بلادي ! !
***
متعود أكتب من (طهارة نيّة)
لو تقصر أنظار البشر "مو ذنبي"
***
حبيبتي .. يانور كل الأماكن
سبحان من أبدع تقاسيم رسمك !
إيه آتغزّل.. واكتب الشعر.. لكن
محشومه أوصف للمخاليق جسمك !
لاتمدح الشعّار وأهل الساحه
اسكت ولاتكثّر كلام .. ورح يااا
شعّار.. بس أهل العقول براحه !
والناس خابر بالكرامه تحيااااا
كم واحد هايط وزاد صياحه
ويطلع بالآخر نسخة من (يحيى) !
***
سمّيت ياخالد ظناك بإسمي
تيمنا فيني ! .. ولاهي لله !
تبغى التمايم مالها من قِسمي
ماظنتي تفرح بها .. لا والله !
وإذا على اسمي خذ بياني الرسمي:
" تبطون ماجبتوا مثل عبدالله "