ياسادن الكهف ناداك التعب والجرح حياك

كلمتنا كيف صوت الذات فينا مات فينا

ظل السهر زادك الميسور ظل الجرح مسراك

مسلمت للنوم جفنك بالرضى ليلة غفينا

يكتبك طهر البياض بخاطرة والغيم يقراك

يسمعك وجهٍ تهيل بك وبحه يصطفينا

حاصرت غي الخضوع المبتذل كفرك جافاك

وانته تناميت في زخرف سكوتك وحتفينا

اشعلت فينا بيات القول حتى صمتنا جاك

وقدام مايولد الفجر القصي فيه انطفينا

في صدر هذا الجسد لاحلامنا فكيت شباك

ياليتنا مثلما كنت انت موفينا وفينا

صرنا سبايا نوايا خطايا نار واشواك

بعنا دفانا لجلد البرد وحنا مادفينا

ياسادن الكهف صمتك فجر بوح وسهوك ادراك

ياعين باكر خذينا دمع باكر وااذرفينا

وحدك هزمت التوسل والمكان استعذب اخطاك

بالنار نكوى وعشب القول يانار انصفينا

قسمت بينك وبينك وانت وحدك زفرة اشتاك

وعطيت للصيف نخل قبل نلقاه اختفينا

يمه ورثنا صفاتك طيب قلب وبسمة شفاك

وش فيك يمه نردك الك الوفا ماتعرفينا

صدقت ماقاله الراوي زمان وطين وافلاك

يمه دخيلك بتارخ المواجع جغرفينا