تقدر تسامح تشعل الدفترتزيد الماء غلا

تقدر ترد الباب للطارق وكفه حافله

موعدك وارف خصب لايفزع يدك جدب خلا

حتى ولا انت النزر وظلال السكوت يغافله

من غيرك ؟!! أسبل نية العصيان واعطته الولا

وحدك ومالت لحظة الدهشة لظلك نافله

ياعذب وجهك ينهمر دافي وصوتك ما سلا

حضن احتفال الريح في ليلة شتيه جافله

تحت ابتهالك عاديات الطيش قالت : قلت : لا

ما كنك اللي من ثنى للسهم صدر القافله

قول : إنك اجمل وأنت الاجمل طلت الما والكلا

بعيون راعي عن سموم القيظ عينه غافله

وش عذرك الليله ؟!! وهو ينشدك والبال امتلا

وانت انت مجهد ذاكرة حلمٍ يخاف تخافله

الله يسامح غلطة زلت ونسيانٍ تلا

يانزوة اذنوب الوصايا الجروح الآفله