فيك الشعر يا سيد الملك يختال

ومن يذكر أنه فيك ينقاد قافه

انت الفخر وانت الذخر عند الاشكال

الله جمع بك خوف رب ومخافه

لو ينشدون الخلق راحل ونزال

يشهد لك اللي ساجد بإعتكافه

شهادة تكشف على راس ما طال

كل بها وثق جديد إعترافه

حولت دار العز من حال في حال

انت الخليفه يا وريث الخلافه

مجدك منار العز في كل الأحوال

مافيه مجد إلا وراسك لحافه

كاسي عرى الأيام والوقت لا مال

كل بعقله واقطع الشوف شافه

العز مجد وانت مجدك بالأقبال

مجد عظيم والحضارة مضافه

حضارة ماخوذة من سعة بال

يشهد بها مسعى الحرم مع مطافه

والله لو العدل مخلوق رجال

شافوك يا فهد العدل في منافه

بالجاه تدعم شعبك الحر والمال

حتى انطوت له مبعدات المسافه

طيب العقيده فيك مع طيب الأفعال

ينجا بها اللي فوق حد المهافه

وطباعة المصحف بتاريخ الأجيال

مابين واقع وضعنا إختلافه

الطبعه اللي مالها شكل وامثال

يطبع ويهديها بعطف ولطافه