يا قصيدي لا تعذر مانت والله معذور

والله انك لو تعذر في مثل ها ليوم عار

لو تبورا لناس كل الناس ما ظنك تبور

وأنت تعرف وش كثر محتاج لك في هالنهار

هاك لك صدري بياض الطرس وضلوعي سطور

وابد كل اللي يجول بخاطري سرا جهار

في رضا البحرين تكفى ياولد سبع البحور

قول شيٍ في رضاها ماحصل قبلك وصار

لا تخيب هقوتي مدام لك صوتٍ جهور

معك امانه لا تعود الا بطعم الانتصار

خذ معك قلبي واذا منك تعديت الجسور

حي فال البيرق اللي وقفته وقفة وقار

أحمرٍ لو تسأل الالوان عن لونه تثور

كل لونٍ غير ذاك اللون شافه ثم غار

أحمرٍ غير احمر الالوان وأسراب الزهور

شامخٍ خلى الجبال الشم في وضع انكسار

ثابتٍ من عزته مادار والدنيا تدور

صامتٍ لكن اذا جار الزمن ينطق شرار

يالله انك تحفظه والارض من كيد الشرور

أرضه اللي من رساوتها رست فوق البحار

كل شبرٍ في هذيك الارض له عندي شعور

من غلا من شكر من اعجاب من حق الجوار

طيّبه من طيبها لا وقعت فيها الطور

كل طيرٍ حب وجه ترابها ما عأد طار

دانة الدنيا ما أشوفك دار لا والله دور

والله انك في عيون الحب عن عشرين دار

عاد عيدك عاد عيدك وان حصل مني قصور

اعذريني وانتي اكبر من حجم أي اعتذار

وان ملى صدري فرحها ليت لي عدة صدور

لأجل ازيل بعيدها وافراحها طعم المرار

كيف مافرح واسمها لا عدت الاسماء نور

كيف ما فرح لاهلها وقلوبهم مثل المحار

ليه مافرح وانتي اللي يحكمك صقر الصقور

الكريم ابن الكريم الحر من نسل الحرار

الشجاع الشهم ابو قلبٍ على الشده صبور

الحليم اللي ليامنه وقف للحق نار

المليك اللي نصاه الخير واخطاه الغرور

هيبته هيبة سحاب وسيرته سيرة خضار

ياحمد ياسور شعبك لا بغاك الشعب سور

ياحمد يابيت ضيفانك متي ما الضيف زار

ياحمد وانت الدواء للجرح ياجبر الكسور

يا حمد وانت الفرج للي عليه الوقت جا ر

انت أصل الطيب دام الطيب له اصل وجذور

انت غير ان عودت للغير يعني باختصار

لو حكى التاريخ عن سيرتك حبتك العصور

وان حكت جغرافياء الارض حبتك الديار

عاد عيدك عاد من مسكٍ وعيدك من بخور

سقتها لك من خيارالناس للناس الخيار

عاد عيدك عاد من فرحه وعيدك من سرور

عاد عيدك يالكبير ابن الكبير ابن الكبار

عاد عيدك عاد عيدك وان حصل مني قصور

العزا في قلبك اكبر من حجم أي اعتذار

في رضا البحرين جبت الشعر من سبع البحور

لاني اعرف لو تعذر في مثل هاليوم عار

مايبور ولو تبور الناس ماظنه يبور

لا عرف وش كثر انا محتاج له في هالنهار