بعض القصايد تجي كبره ومختاله

بالشعر, ياحيها والشعر ياحيًه

لو ماأنت يالبال لا سالي ولا داله

لكن دخيلك من التقصير والسيًه

ماشلت هم السحاب إن شح بخياله

ولا جزعت ونشدت الارض عن فيًه

أنا لي الشعر من جاله الى جاله

وغيري له الهرج من طيشه الى غيًه

ماجيت لك يالكويت إلا وأنا واله

ومن الوله كن _لا وش كن _ قل زيًه

شاعر وجيتي وجوا ربعه على باله

وتجمعت كل أبوها (شوق ) و(حميه)

من ديرة العز وأهل العز والطاله

جيتك يادار السعد والجيًه الجيًه

سلام يالغيث في وصفه وفي حاله

سلام يالنور في عزه وفي ضيًه

سلام يالسيف في فعله ليا شأله

رجلٍ يضد الصفوف إن ثارت الهيًه

سلام يالطيب ياناسه ومدهاله

سلام يالجود ياذكره وطاريًه

سلام يالمجد والتاريخ ورجاله

سلام من ربعكم بأرض ( السعوديه)

يقوله اللي يجيب العلم لا قاله

ماشال هم السحاب ولا رجى فيًه

شاعر له الشعر من جاله الى جاله

وغيره له الهرج من طيشه الى غيًه