يا قصيدي طوّل الشوق اغترابه

ما شهد قافك على همي وغمي

جيت أفرّج بعض همي بالكتابه

اكتشفت إن الكتابة كل همي

للسؤال المر في صدري إجابه

وقبل أنادي صرختي تذبل بفمي

أقدر ألبس عمة الشيخ وثيابه

وأظهر التاريخ من جيبي وكمي

للوجيه اللي ملامحها تشابه

قام فعلي وانحنى مدحي وذمي

قبل ما أوصل سرّها واكشف حجابه

كيف أميزّ وجه أخوي من ابن عمي

الكريم اللي عطا صافي شرابه

في مشاريبه دوا قلبي وسمي

يحسب إن الصيد في مروة غرابه

لا يطير ولا يهد ولا يدمي

خاب ظنه وأمطرت بأرضي سحابه

وانبتت من كل عشبه ويش آسمي

وقيظه اللي توّه ركابي سرابه

راح يمه والربيع انحاز يمي