طار النعاس ... أكتويت بجمر تنهيدك

يا حر نارك ويا صبرك على ناري

ما بيدي أكون غيري وأنت ما بيدك

تكون حالك تعبت فـ تداري

رغم انتباهك شباك الغفله تصيدك

وتصيدني معك مكتوبي وانا القاري

شوي من غفلتك واعيك وازيدك

شوفي على الرمش واسماعي على الطاري

مل السهر ليل تجريحي وتسهيدك

اتعب وتدري وتتأسف وانا داري

هواجس طيش عاقلها : وش يفيدك

الوذبه لا ملت عيني من الذاري

اجهلك حتى السراب اللي لبس كيدك

اعرفك حتى النمير الطاهر الجاري

انفيك واستوطنك وامحيك واعيدك

حريتي ما تعدت حايط افكاري

ما ابغى انعتاقي ولا ابغى اذكرك قيدك

آسف على ضيقتك واسف على اقداري

جابتني يوم شفتك بسمتي عيدك

زحت العمر واحتفلت بلحظة ابصاري

لو شفتن من صباح اجمل مواعيدك

وشلون صرت اعشق اسمي واعشق اشعاري

صورتك الأولى فراديسك وتخليدك

حاول تشبه بها لا سلهم الساري

كم للمرايا تصالح عقدك وجيدك

والعيد كم له يداري حزني العاري