شي في خاطري غامض وأدوّر عليه

من سنين طويلة عايشٍ في رجاه

كل ليله يجيني هاجسٍ يحتويه

طيف يسهر عيوني بالرجاوي معاه

إن سألت العيون اترد لي ماضيه

وصيحةٍ في فوادي تشتكي من عناه

والسبب حسب ظني من ودادٍ شبيه

بالموده مع اللي شدني في هواه

غارقٍ في وداده ميتٍ موت فيه

بس الأقدار حالت عن رضاي ورضاه

طيب القلب وافي في وداده نزيه

البراءه في عينه نابعه من وفاه

سمّح الله طريقه يحفظه ويعطيه

أذكر الزين منه في حياتي وياه

ما نسيته ولا هو حبي اللي نسيه

بس هذا المفارق سنةٍ في الحياه