ياصاحبي ماخبرت اللي بصدرك حجر

مكانك القلب لكن غيبتك مزعجه

ياخي تعال خذ عيوني وتاخذ أجر

ماعاد للنوم عقبك بالجفون دوجه

يرضيك حالٍ غدت في المدامع قبر

مايكفي إنك طموحٍ مالقيت دْرجَه

من رحت وانا اتغنى بك لنور الفجر

وأقول ياشينه غيابك ويامسمجه

ودي اشوفك إذا لك في غيابك نظر

ودي و أنا عارف الغايب معاه حججه

حتى أحرف اسمي بنطق شفاك تفرق كثر

مايفرق الحلم عن لقياك وجه لوجه

كن السوالف ليا مرت تدور عذر

لجل تردد على درب الحكي بغنجه

كن الحكي لا ظهر من مبسمك ينتظر

ثمانك تعض توت عاصرته فلجه

ياليلة التيه من عشتك و شوفي شجر

ما غير طيفك على عيني يمر وهجه

يا ديرة الحسن يا ذاك القوام النظر

اللي ليا مر فارع كن فيه عوجه