ياخفيف الروح كيف انتوا

ياشفا قلبي من اعواقه

ارحموني لو تكرمتوا

بالوصل وانا من اشفاقه

مرّ وقت لي ولا بنتوا

انتظر من طوّل افراقه

ارحموا ذا الروح لاهنتوا

لي لكم بالشوق توّاقه

انتوا اللي بي تملّكتوا

بالرضا والطيب وخلاقه

إرحموا من به تحكّمتوا

من جفاه النوم ماذاقه

في سويد القلب شيتّوا

منزل ماحد قد فاقه

بخفي امّابي اذا عدتوا

لايشيع السّد واشواقه

الصواب اللي بيه صبتوا

عالجوها النفس معتاقه

غاية امنايه اذا جدتوا

بعدكم لي نار حرّاقه