ياشاطئ الراحة وياشاطئ الزين

القلب بك يلقي غرامه وراحه

ييتك وقرّت من بعد شوفك العين

وانسيت بك همّ الزمان وجراحه

فيك النسايم مثل فوع البساتين

لي بالزهر يانع وفاحت رياحه

بك تنتعش روح المولع من سنين

والقلب في قربك يزيد انشراحه

تلفي على شاطيك كل المزايين

لي نافلات بالحسن والملاحه

البيض لي شروا الحصابي المثامين

الْخرّد اللي ينوّرن كل ساحه

والزّين لي يسكن وسط ناظر العين

ياكم زاره في مساه وصباحه

زاره وزاده فوق زينه بعد زين

حتى غدا للحسن والزين واحه