عبث كنت أحاول والعباد رقود

أنام وتعانق بعضها جفوني

وليلي .. سرى البارح سهر ياسعود

كأن السّهر سهران بعيوني

بسولف .. ولاني خايف المنقود

يلومون وإلاّ مايلوموني

أحس بحنيني بالحنايا ذود

وأحس ‘نتظاري زاد بطعوني

وأحس الفرح في داخلي موءود

وأحس الحزن ناسٍ يعذلوني

وأحس التّعب فيني بدون حدود

وأحس الشّعر ماجاب مكنوني

وجيتك .. عسى ذيك الهموم تهود

أبرتاح لاتسألني شلوني

أنا لوني غياب وبقايا وعود

وأصحاب أذكرهم .. وينسوني

أنا وافيٍ ماخنت أبد بعهود

ولكنّهم بالضّد جازوني

أنا زارعٍ وصل وجنيت صدود

أنا كنت أظن وخابت ظنوني

أنا مرّني ليل السهر ياسعود

وتركبي سهره ونام بعيوني