يالله إنّي عبدك اللّي جاك باضعف حاله

ياعسى يارب تفرجلي وترحم حالي

لي ثلاث أيّام حزني بالصّدر منزاله

من بعد ماجابت الأخبار موت الغالي

قال لي : راكان مات وقلت : واعزّاله

كل من يشكي بهذا الوقت قل الوالي

مات لكنّه بقى حيٍ بطيب أفعاله

وبيننا أحياء ماتوا من ردى الأفعالي

والله إن الموت لو ساوم عليه لحاله

بس منّي أربعه آنا وثلاث عيالي

الرّحوم / الباسم فوجه الصّغير إن جاله

الخشوع / الرّاكع / السّاجد لربٍ عالي

الحكيم / القايل / العارف لحكيٍ قاله

ا لكريم / المعطي اللّي مات جيبه خالي

الفهيم / الماشي بدربٍ تضيع رجاله

الحليم / القادر / العافي / عن اللّي عالي

فاقده مركاه ووجاره وصفر دلاله

ومجلسه لو كان يدري فيه دمعه سالي

وفاقده ورعٍ يتيمٍ ماهو من عياله

كافله يوم إن غيره يكنزون المالي

طالبك يارب تجعل جنّتك مدهاله

وتغفر ذنوبه بعطفك يالعظيم العالي