دموعي ثوبي العاري أبسترها..وتسترني

دموعي..ليه أول ما تذكرته فضحتيني؟

أخاف الدمع ما ينفع معاه..ولا يعبّرني

واجي..لا موعد يسلّيني ولا دمع في عيني

متى ياليل تنثرني مع نجومك ويسهرني

عساه يقوم ثلت الليل شوق..ويرجع لديني

تعبت من الظما..ومن السراب اللي محاصرني

حبيبي..هو متى ترحمني عيونك وتسقيني

متى قلبك يا أغلى قلب حبيته..يقّدرني

متى صوتك يا أعذب صوت حاكيته..يناديني

أنا..هذا أنا..لكن غبار الخوف غيّرني

أمانه يا يدينه انفضي خوفي وضمّيني

حبيبي..قبل يدفني تراب الياس بشّرني

بنظره..تطلق اسراب الأمل فيني وتحييني

تعال الله وكيلك مابقى صبر يصبّرني

تولتني جروحك..وانت ظالم لو تداويني

عيوني..تحتري يمكن سحابة وصل تمطرني

وقلبي..آآآه لو تدري بشئ فيه موذيني

غريبه كيف اقول اني نسيتك و تذكّرني

واشوف البارحه..كي ذكرتك وانت ناسيني