ياناس قولوا لغض العود

تكفون ياناس قولو له

ما اشوف له من عذابي زود

كثر التصاديد وش هو له

ابو ثليل اشقر مرجود

اسمع بذكره ولا اطوله

وعيون نجل هدبهن سود

يذبح بهن من يجي حوله

ياكثر الأزوال بيض وسود

ماهم بمثله ولا حوله

عقب المودة جفا وصدود

ماشفت زول مثل زوله

إن مت ابا القى عليه شهود

عنقه وخدّه ومجدوله

أسهر وكل العيون رقود

اليا تباطيت مرسوله

يازين حبل الهوى ممدود

لكن سجاياه مجهوله