ياناس راعي المحبة لا تعذلونه

ما هوب عن صاحبه داله ولا سالي

لو يسهر الليل كله لا تلومونه

الحب بلوى مانيب أول ولا تالي

لي صاحبٍ ما قطعت الياس من دونه

لو غاب عني خياله بس يبرى لي

الصاحب اللي سحر هاروت بعيونه

ودي بشوفه ولكن ما تهيا لي

يا هايف الخصر عيني فيك مفتونه

والبعد يا صاحبي ما يرخص الغالي

الروح يا صاحبي بحماك مرهونه

عزّي لحالي عقب فرقى هوى بالي

يا كود وصلك على مثلي ويا هونه

إن كان حالك طواها اللي طوى حالي

عن غيرك القلب غسلته بصابونه

والعين ماتلتفت في كل الأزوالي

ما يجرح القلب كود فراق مضنونه

ابطيت ما أرسلت لي ياحوت مرسالي

أجر صوت جميع الناس يوحونه

وغديت مثل المصيح بالخلا الخالي