واعيني اللي ماتهنت بهملاج

عن نومها ازعجها البيان المفاجي

وامسيت في صدري من الوجد وهاج

ومما دها عزمي تكدر مزاجي

لاواطلال اللي عليه القضاء راج

واقفى عن الدنيا طليق الحجاجي

فيه الحسايف عقبت في سوهاج

والاالقضاءمالي عليه احتجاجي

مرحوم ياللي لك بالامجاد منهاج

الصافي الشهم السماح الهجاجي

عسى مقرك ياسند كل محتاج

في جيرة اللي من هل النار ناجي

الصبر ياشمر مفاتيح الافراج

عند الفراق اللي شرابه هماجي

الله يجبر كسركم عقب هداج

ريف الضعيف اللي يجيه متلاجي

والكسر مايجبر ليا جاء بالامهاج

وجرح النيه مالقي له علاجي

ياضلع اجاء تدعيك ابانات وسواج

وسلمى تحثك يمهن بالرواجي

تبي تواسي بالعزء ذيك الابراج

وتزعج عبايرها بذيك الهباجي

ولو سبلت بدموعها ازراجً ازراج

تعذر ليا ناحت سراج الدياجي

ياليت لاخذ الثار فالشيخ مدراج

كان انتخي وانخى فهود الزراجي

ويفاجي اهل الجلف والنورمانباج

جمع يفرقهم وهم فى المحاجي

جمعٍ يجيله فوقهم عرك وعلاج

لين تغذى ذيك الصحاري عجاجي

تاخذ سنة والذيب فيها ليا داج

زاده رخاء مايلتفت للنعاجي

يالحايلي كنك على الشيخ مخلاج

خذني معك يسند خلاجك خلاجي

لو البكاء نوع من انواع الازعاج

ويزيد من نبش الجروح اللواجي

وقدامنا سعدون للدمع زعاج

ولاردة الدمعه عقاب العواجي