الليلة القلب رايق والهبايب جنوب

والشعر ينزف غلا وأناظر الطابعه

حطيت للحب فقرات ورسمته دروب

ارتاح فالاوله واشتاق فالرابعه

مغرم صبابة عن دروب الهوا مايتوب

ويترجم اشواق في وصط الحشا قابعه

ياطيف ياللي من البارح صدوقٍ كذوب

القلب ينبض هلا واعيوني اتابعه

ياكن حبك اراضي شاسعات وشعوب

بركان واهج غلا والشوق زوابعه

فتنه ودهشه وعينٍ كن فيها شبوب

كنه يداعب لتاج الزين فأصابعه

لاتمتم بهرجته منظر شروق وغروب

واليا ضحك كن قلبي شاف مرابعه

ياصاحبي دام منته في هواى مغصوب

لاتصبح ابعد علّى امن السما السابعه

وين انت غايب دلع وألا تغلّى لعوب

المشكلة؟ كان نفسك راويه شابعه

يالله عسا الحب يبقى وصط بيض القلوب

اللي من الصدق وغصون الوفا نابعه