ول من ضيقتك لاضقت يالصدر الرحيب

كني امفارق وطن عمر ومفارق هلي

الجروح اتطيب والا عساها ما تطيب

جعلها تكفيرة اذنوبي يالله يا ولي

كل ما جيت اتعجب من الوقت العجيب

قالت الدنيا علي هون والمخرج ملي

ليه اسولف فالمشاريه واحساسي يغيب

والمشاعر في فؤادي تفيض وتمتلي

هيه يا حلم الليالي ويالغصن الرطيب

مالها داعي تعاليل واكمل ما يلي

لاتسوق امن المعاذير وفراقك نصيب

رح وطعنات التفاريق سندها على

غايبٍ حظي معك وانت من عيني قريب

لو نحرت اشعيل قربك وذكيت الطلي

جيت لك غربة وابقفي عن عيونك غريب

خلني بين ابجديات ضحكي وازعلي

كنت جاهل وقت والطيش خلاني صحيب

احسبنك ملك يمناي يا شين اجهلي

رح بلاش امن الموادع وسافر يالحبيب

جعل دربك سمح والحظ دايم معتلي

افرد الجنحان وابعد ترى مالك طليب

ماكتبك الله على طول يالمحبوب لي

مير جعل اختامها مسك لو راسي يشيب

(والله الوالي ولا غيره الوالي ولي)