فراق القلوب اقسي من فراق عين لعين

وانا من فراقه كن قلبي علي جمره

هذا عام وانا وين واللي عشقته وين

ضلوعي من الفرقا علي الصدر منسمره

عفيف الجناب الذرب راع المقام الزين

زعيم الحلا وألذ من فذة التمره

عليه الحسوفه كل ليلة وحين وحين

وعليه الندم ودموع الاعيان منهمره

انا كيف اغني جعل فااال الليالي زين

مشاعر خفوقي من تغيبه مندمره

غيابه كما ضرب المشوّك وابو حدين

بوقت الوغا والسيف في كف ابن عمره

ماله حق يقطعني كذا والمفارق شين

عيوني فضاه ونبض الاشواق تحت امره

انا اخاف لا يبطي به البعد عني لين

تمر السنين وعاشقه ينتهي عمره

لعله بعد غيبته هذى يرد الدين

معه هاتفي ومخزن الاسم والنمره