لاعاد تستغرب ليامنك قريت اللي قريت

قل يالله الخيره لعل الجرح نلقاله دوا

ولا تعاتبني على حزني ليا منك دريت

احزن معي واطلب من الرحمن يهدى من غوا

الروس لايلحق عليها لوم دام الصيت صيت

ترا آية الكرسي تخزم أبليس ملعون الثوا

عن هرجة العاذل وترديد المناوى ليت ليت

تواعدوا على دروب الطيب ومشوها سوا

تنزيه الانفس والخواطر والحكا لامن حكيت

اخيّر للرجال من طرد الكلام وما حوا

فنكانوا اهل الطيب لازالوا لعهد الخير بيت

فالاستشاره خير للرجال من شرٍ نوا

هقوة ارجال ونخوة مرّوه عسا ألقا ماهقيت

ياعل كلمة (تم) تسبق فالنبا (مالك لوا)

يامحتديني لاتحدوابي ليا منك حديت

خلّ الحدا والسامرى والهيجني لاهل الهوا

ياليل ياليل القصايد والمعاني بيت بيت

اسهرتني كن الطوارى ذيب ويجّر العوا

الله على هاجوس شعري لابديته وانتهيت

كني وردت وذقت طيّب ماك ياعد الروا

بأسباب مدعوج العيون اللي هويته وهتويت

الرقم الاصعب في درب العشق عالى ماهوا

ان قلت سالي عن غرامه ما نسيت ولا سليت

ياكيف نسيانه وحبه فالمعاليق ألتوا

اللي تسموا في غرامي لين في حبه سميت

عشقٍ معلمني تضاريس المحبه والنوا

سلام ياللي في دروب العشق قد بعت وشريت

ياواحد (ن) يقوى على قلبى وغيره ماقوا