وش عاد ..لو مرة تهجّيت ويّاي

آخر دموعي في عيون أبجدية

مادام لك قلبٍ .. من البعد نسّاي

يكفي تشوف الشوق يحرق يديّه

كلّمتها .. حسّيتها كلها ( باي )

قلتَ العتب خطوة .. وصوتكْ مطيّة

لا تقاطعيني .. باقي افعمري الجاي

غيبة مسافر وانتظاره هديّة

لا ياوجع قلبي ..من إحساس بكّاي

كل المواقف ماتقرّبك ليّه

إن قلت أحبك .. قالت الشمس خطّاي

يخطي علشانك ويبكي عليّه

الظل واحد .. لكن الوقت بقفاي

يسرق ثياب الليل قبل العشيّة

لا ياتعب نفسي متى يسكت الناي

صوته طرب روحي وحزنه أسيّة

أول صباحي صدق والشوق منهاي

بس انتهينا وآخر الصبح فيّة

ماقلت أحبك .. بس ضمّيت بعضاي

آخر حروفك .. واحتسبتك بقية

اذكرك صيف .. وأجمعك فآخرشتاي

ألقاك قبلة .. واتولاك نيّة

الشمس ظلمة .. وآخر الليل ملفاي

عتمة صباحي .. برضها شاعرية

خلّك مثل منتي .. سواد المدى داي

قبلك ..عرفت وعشتك ابعنجهية

كل الغصون تميل مع هبّة خطاي

ماهمّني .. وش قالت الساحلية ..