البارحه ما دريت ايش صار .. وش فيني

البارحه مت و لكن ربي أحياني

البارحه غاب طيفك لحظة عن عيني

و حسيت في وقتها الموت الحمر جاني

إضحك .. أعرفك غرامك بس تشقيني

ما همّك إلا جديد الشعر و أحزاني

هي آخرتها معاك أدري بتنهيني

لو ما بليتك بهمّي راح تبلاني

في كل ليلة ما تدري وينك و ويني

وياك أوّلي و أهيم بعالمٍ ثاني

المشكلة ما أحسّك في شراييني

المشكلة إنت إلا إنت شرياني

أبنجرح من يدينك و لا تداويني

عساك طول العمر جرحٍ بوجداني

كل الدروب الحزينه لك توديني

مسكين يا هالفرح طاف و تعدّاني

أدري ف بيتين تكتبني و تمحيني

شاعر مزاجي غريب أطوار قوماني

إقرا قصيدك لنفسك طالع فيني

ما أبيك تقرا القصيد أبيك تقراني