ألمح الخوف من باكر بعينك و أخاف

صمتك اللي يفجّر بالحنايا القصيد

عاري الجرح فغيابك ولا لي لحاف

ضمني واحرق أنفاسك بصدري وقيد

كن صدري مداين و ابتلاها الجفاف

هِلْ مزنك دخيلك خاف رب العبيد

دام وصلي عيونك ما علي خلاف

بمشي الدرب ما يفرق طويل أو بعيد

لو بكينا على اللي راح منّا و طاف

كان ما صار للفرحة زمانٍ جديد

العزا في كفوفٍ يحتويها العفاف

ضمّها خافقٍ رجفات شوقه تزيد

و لمتى نحترق غيره .. ملام .. و نخاف

و انت تدري الليالي حيلها ما يبيد