على كثر ( العتاب ) إزعل .. وأنا كثر الغلا بـ رضيك

غلاي أكبر من جروح هَمَت من مزنة عتابك

أبرضي كل وردة هم تنبت يالغضي بيديك

وأبرضي كل دمع هلّ يالغالي من أهدابك

عطش كف [ الزعل ] أدري .. وأنا رغم العطش برويك

لو أكسر من ضلوع الغيم ضلع وسال ب أسبابك ..

أنا كلي فدا مُرِّك مثل ماني فدا حاليك

فديت المبسم الزاهي بلولّوك وعنَّابك

فديت الملح بعيونك و مرجان على شاطيك

فديت السكر اللي ذاب يالفتَّان برضابك

فديت العطر بكفوفك.. ونوِّير السوالف ذيك

أموت أمووت لو صكِّيت في وجه الحكي / [ بابك ]

تقول إني خطيت ومادريت إن الخطا يغريك

( تسنبل ) سيفك بقلب الغرااام .. وتذبح أحبابك

إذا كان الخطا طفَّاك ما ودي الزعل يضويك

دخيلك لا تموت الوردة اللي تعشق ترااابك ..

على هونك حبيبي .. لا تعذب بالجفا هاويك

كفى جمر الندم فيني / ويكفيك الذي صابك

أنا مخطي وعاتبني وعذبني إذا يكفيك

ولكن لا تخلِّي [ الصبح ] يغيب بعتمة غيابك

ويا ليل الجفا ماني على رغم البدر ساريك

ولاني مهيجن اغنيتك .. ولاني لابس ثيابك

حبيبي لو بغيت / إزعل وأنا كثر الغلا .. برضيك

غلاي أكبر من جروحٍ همت .. من مزنة عتابك