كِنَّا واحد..
مااحْنا اثنين..
كان لنا..
نَفْس الضحكة..
ونَفْس الحِزْن..
ونَفْس الصّبح..
ونَفْس القهوه والفنجان ‍
ولِنَا كان..
حتى نَفْس.. نَفْس فرْشَة الأسنان
كان الناس..
ينادوني أنا وياك ..بإسم واحد..
واغْنيْتي..
كانت نَفْْس أغْنيْتِك
ونَفْس الشِّعِر والأَلْحان
كنت احَسِّك بْنَبْضي
وكنت اشوفني
بعطرك
لون شَعْرَك..
وعِقْد اللولو .. والفستان
واللي كان يعجبني..
كنتي انتي تِحِبّْينه..
واللي يعجبك فيني..
يصير بدنيتي العنوان
وكان الشوق.. قبل مايمطر بقلبك..
كان ينْزِل ..
على عِشْب الهوى بقلبي..
وَبِل هتَّان
ويوم ماتِحْزنين دَمعك..
كان ينزل من عيوني..
ولما احْزَن..
كانت تِحْزَن عْيونك..
ويَنْبت للتعب في راحتك أغصان.
وكان لنا..
وساده وَحْدَه طول الليل..
وحِلْم واحد..
ولنا كان.. ياما كان
شاللي صار..
بَعَد أَرْبَع سنين مَرَّت ..
شاللي صار؟‍
صرنا اثنين..
ومِيَّة وجه..
وصار لنا.. فرشتين أسنان ‍‍‍‍